दलित सामाजिक विकास केन्द्रद्वारा किशोरीहरुलाई स्वास्थ तथा सरसफाई किट वितरण

धनी राम कोरी
कपिलबस्तु,३१ भदौ । कपिलबस्तु जिल्लाको १८ स्थानहरुमा किशोरीहरुलाई स्वास्थ तथा मर्यादित किट केएर नेपालको सहयोगमा दलित सामाजिक विकास केन्द्रले वितरण गरिएको छ । कोभिड १९को महामारीवाट आफू बचौं र अरुलाई पनि बचाऔं भन्ने उद्धेश्यवाट किशोरीहरुलाई उक्त किटहरु वितरण गरिएको हो ।
केएर नेपाल र दलित सामाजिक विकास केन्द्र कपिलवस्तुको संयुक्त साझेदारीमा संचालित अब मेरो पालो कार्यक्रम अन्र्तगतका क्षेत्रमा स्थानिय जनप्रतिनिधी ज्यूहरुको रोहबरमा किशोरीहरुलाई उक्त किट वितरण गरिएको हो ।

जिल्लाको ६ वटा स्थानिय तह अन्र्तगत जम्मा ४३० जना किशोरीहरुलाई किटहरु वितरण गरिएको छ । बैग सहित वितरण गरिएको प्रत्येक किटमा जम्मा १९ थान दैनिक रुपमा प्रयोग हुने सामाग्रीहरु रहेका छन । प्रति किटमा १ थान टिसर्ट, सुरुवाल, दुपटटा, काईंयो, साबुनदानी, २ थान कपडा धूने साबुन, १ थान टर्च, ब्रस दन्तमंजन, २ थान नुहाउने साबुन, १ थान सेनिटाईजर, सेनिटरी पैड, रुमाल, १ सेट चप्पल, ब्याग लगायत सामानहरु रहेको छ ।

कृष्णा नगर न।पा। वडा नं १२ ठकुरापुरमा २६ जना, विजयनगर गाउँ पालिका अन्र्तगत वडा नं। १ को जावाबैराठ मा १५ जना, वडा नं।२ को लोहरौलामा २६ जना , वडा नं। ३ को पथरदेइयामा २१ जना , जगदीशपुर डगडउवामा २६ जना, वडा नं। ५ को जुगुनियामा २७ , डालपुरमा २७ जना किशोरीहरु किट प्राप्त गरेका छन । भने शिवराज न।पा। अन्र्तगत चन्दौटा, पर्सिया तथा लालपुरका गरी जम्म ७३ जना किशोरीहरुले किट प्राप्त गरेका छन । बुद्धभूमि नगर पालिका अन्र्तगत वडा न २ को वडहरा, गोरु सिंहे तथा वडा नं ६को महुवा गरी जम्मा ९१ जनाले उक्त किट प्राप्त गरेका छन । महराजगंज न।पा। अन्र्तगत महराजगंज, औरहवा, पिपरी, उनवलिया, गैडवहवा मध्ये ७८ जनालाई किशोरी स्वास्थ मर्यादित किट वितरण गरिएको थियो ।

सामाग्री वितरणका लागी संस्था तर्फ बाट संस्थाका अध्यक्ष राम शरन रैदास, उपाध्यक्ष संजय कुमार कोरी र सचिव मन्टु कोरी लगायत टिमले किट वितरण तथा सरोकारवाला संग सम्पर्क समन्वयमा भुमिका खेलेका थिए भने कार्यक्रम संयोजक गोविन्द धवल र अनुगमन तथा मुल्याकंन सुपरभाइजर संगिता चौरसियाले सामाग्री वितरणका लागी ब्यवस्थापन कार्य गर्नु भएको छ । साथै अझै केही स्थानमा वितरण गर्नु पर्ने रहेको छ । यो संस्थाले किशोरीकिशोर, महिला, अपाडंगता भएका ब्यक्तिहरुको क्षेत्रमा नियमित रुपमा कार्य गर्दै आइरहेको छ ।

प्रतिक्रिया

कृपया प्रतिक्रिया लेख्नुहोस्!
कृपया आफ्नो नाम लेख्नुहोस्